Izan da 2023a agurtzeko berrikuntzarik Urdazubin ere, herriko lehen San Silvestre lasterketa egin baitzen. Lasterketa egiteko modu anitz izan zituzten: oinez, lasterka eta bizikletaz. Gainera, lasterketa egin zuten gehienak mozorrotuta agertu ziren, afera pixka bat animatze aldera.
Iribere eta Koilarreko itzulia egiten lehen hirurak Mikel Cenoz, Imanol Iribarren eta Jaione Perurena izan ziren eta herriko ttipienak karrozetan ailegatu ondotik, denek tortilla goxo batzuk jateko eta xanpainarekin urte berriagatik topa egiteko aukera izan zuten.
Lehen lasterketa honetan 40 bat lagun hurbildu zirela ikusirik, hurrengoan jende gehiago animatzea bertzerik ez da falta.