Urtarrilaren 4an, ortzegunean 17:30ean Sarako leizeetan eskaintzekoa duen emanaldirako sarrera guztiak agortuta, bigarren emanaldi bat eskainiko du egun berean Pontx pailazoak. Hain zuzen, ortzegunean 10:30ean izanen da lehen saioa.
Pontx pailazoak Sarako leizeetan ospatuko du urte hasiera lagunekin. Ikusgarri berezia izanen da, egun horretan bakarrik ikusten ahalko dena. Urte berriari hasiera ona emanen dio, giro onean, kantuan eta dantzan. Magia, umorea eta pailazokeriak ez dira faltako!
Ikuskizuna leizean iraganen denez, berokia eramatea aholkatu dute (14 gradu dira leizearen barnean). Sarreraren prezioa 2 eurokoa da eta leku mugatuak direnez, izena eman behar da.