Abenduaren 10ean Iholdin jokatutako finaletan garaile izan ziren Elgart-Haroçarene (lehen maila), Mariluz-Etxeberri (bigarren maila) eta Etxeberri Pacheco-Zozaia (artekoak)
Joan den Igandean, abenduak 10, Iparraldeko afizionatu mailako trinketeko esku huskako txapelketako finalak jokatu dituzten Iholdin. Sarako Izarra pilota elkarteko hiru taldek lortu zuten finaleko sartzea, lehen, bigarren eta arteko mailetan. Hiru taldeek lortu zuten garaipena. Inoiz lortu gabeko balentria egin zuten Sarako pilotariek.
Lehen mailan Sarako Izarrako Bixente Elgart eta Arnaud Haroçarene bikoteak 40-32 irabazi zien Denek Bat taldeko Bixente Lafitte eta Thierry Harismendiri.
Bigarren mailan Julen Mariluz eta Unai Etxeberri saratarrek 40-26 irabazi zuten Amikuze taldeko Lascor eta Mendibururen kontra.
Artekoak (22 urtez azpikoak) mailan, Sarako Izarrako Manex Etxeberri Pacheco eta Eñaut Zozaia bikoteak 40-21 irabazi zuen Irisartarrak taldeko Etxebers eta Bidart taldearen kontra.