Abenduko ospakizunei hasiera emanez, Alkerdi auzokoek beraien urteroko besta antolatu dute abenduaren 16rako. Urte anitzez Burkaitzea edo Armua jatetxeetan egin zuten bazkaria, geroztik Montxon ere egin dute azken urteetan eta aurten Zugarramurdiko Azketa jatetxean ospatuko dute eguna, bi herrien mugan dauden auzokoek. Arantzako Beñat Mitxelena akordeoilariak jarriko du giroa eguerdi partean, bazkarian eta bazkalondoan.