Azaroaren 11n, larunbatean 17:00etan, Senpereko Larreko aretoan gaitzeko kantaldia izanen dute , Segi Aintzina elkarteak antolaturik, Charles Ollivon errugbilaria delarik babesle. Kantarietan, besteak beste, Patxi Garat, Bost Axola, Yannick Tellechea, Maina Ortiz, Kurruka eta sorpresa anitz. Sarrera dohainik izanik ere, Lena eta Marie-Ana, bi neska gazte hauen inguruan finkatua da kantaldia, jakinez jasaiten dituztela sufrimendu bortitzak, erreumatismoari lotuak diren eritasunekin. Xedea baita diru bilketa egitea ikerketa eta laguntza medikurako.
Arte-artisauen erakusketa Inharrian
Egun berean San Martin eguna ospatuko dute Inharria baserrian, arte-artisauen erakusketa egunean zehar, aurten Erdi Aroa argitan emana da sekulako animazioekin, ohiko egun hori hutsezina da, bada zer ikusi eta zer erosi.