Urrian kokatu dute Senperen ere Klimaren Astea. Azpimarratzekoa da François Morrissetek eman duen hitzaldia klimari buruz. Interes handikoa izan zen, nahiz pixka bat beldurgarria ere izan, geroari buruz. Larreko kulturgunean bildu ditu 60 kide. Bertze ekimen berezia, Uraren tokia, klimaren beroketa ikusiz goiburupean egindako argazki lehiaketa izan da. Parte hartze handia ukan du. Lehen saria Marie-Ange Cazaubonek eskuratu du, bigarren saria Regis Bertrandek eta hirugarren saria Camille Bluy-Llorentek.
Urri arrosa
Joan berri zaigun urriko hilabete honen marka dudarik gabe, orain ohikoa den Urri arrosa, hemen nabaritua baita emazteen bularreko minbiziaren aurka egin diren ekintzak. Hauetan ezartzekoa da Ibarrungo bestak kari egiten den Ibar-Run oinezkoen ibilaldia. Honi uztartzekoa da ere Nesk’a Paillettes dantza ikusgarria, Catalina Gommesek moldatu koreografian. Han-hemenka anitz herrietan, ekimenak sortu dira, minbiziak hunkitzen dituen eriak eta hauen familiak laguntzeko xedearekin.