Herritarrak ahal bezainbat informatuak izatea eta parte hartzea nahi du hauteskundeetan ateratako Zugarramurdiko udal berriak, Argitxu Agerre alkatea buru dela. Horretarako, herriko etxeak hartutako erabaki guztiak jakinarazten ari dira, bai paperez baita whatshapez ere, herritar guztiei. Hurrengo udal batzarra azaroaren 3an, ortzirale honetan, 20:00etan hasita izanen dela jakinarazi dute, eta herritarrak agertzera, ideiak ematera eta parte hartzera animatu nahi dituzte, erabakiak denen artean hartzeko.