Naia Robles Aranguiz eta Oihan Delavigne Robles ama-semeek osatutako Musik’haria konpainiaren Papogorri ipuin musikala ikusgai izanen da urriaren 22an, igandean, Sarako lezeetan, 3 eta 7 urte bitarteko haurrei zuzendua. Bi emanaldia izanen dira, igandean 10:15ean eta 16:30ean eta bietarako sarrerak agortuta daude dagoeneko.
Papogorri
Baso baten erdian, oso haserre dagoen txori baten abestia entzuten da: Papogorri oso haserre da! Norbaitek arroltze erraldoi bat jarri berri du bere kabian. Basoko bidea hartzen du egilea aurkitzeko! Bere ondoko auzoak ezagutuko ditu, aurkituko ote du erruduna?
Papogorriren istorioak, haurrak zentzumen-esperientzia berri batean murgiltzen ditu, soinuekin jolastuz istorioaren irudimenera sartzeko.