Gaur goizean egindako ez ohiko osoko bilkuran, EH Bildu eta Baztango Independenteak taldeetako hautetsiek emandako sei botoei esker onartu du udalak proiektua ez egitea, talde bakoitzeko zinegotzi bana falta baitzen saioan. Ez da inor mozioaren kontra agertu, eta bortz abstentzio izan dira, Zurekin Baztan, UPN eta Geroa Baiko zinegotzienak.
Hortaz, «2023an Geroa Baik erdietsitako 45.000 euroko diru laguntza izendunari uko egin zaio eta parapente eta delta hegalekin ibiltzen direnak salto egiteko puntura errazago ailegatzeko Arxurian proiektatutako bide moldaketarik ez da eginen».
Udalaren erabakia ikusita, Sarako eta Zugarramurdiko herritarrek larunbat honetarako deitua zuten manifestazioa bertan behera uztea erabaki dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.