Azkar kirol taldeak eta Urdazubiko gazteriak, Urdazubiko udalaren eta Mugarkiren laguntzaz antolatutako Urdazubiko Kontrabandisten Lasterketak egin dituzte urriaren 7an eta 8an.
Larunbatean, urriak 7, gaueko lanak izeneko 9,5 kilometro luze eta 600 metroko desnibela duen lasterketa egin zen. Garaile Jokin Arretxea suertatu zen (50.06), bigarren postua Soronea Amma taldeko Hodei Lujanbio goizuetarrak eraman zuen (52.41) eta hirugarrena Michel Guilcou (54.06) izan zen gizonezkoetan. Emakumeen kasuan, Senpereko SPUC Lasterka taldeko Joana Bimboirek lortu zuen lehen postua (1.09.33), Txantrea Traileko Sara Zapata bigarren izan zen (1.09.55) eta Nerea Goikotxeak (1.11.07) osatu zuen podiuma.
Igandeko indarrak eta gogoa gorderik, maratoi erdian lasterka egitera animatu zirenak hurbildu ziren. Hauen artean ere gizonezko eta emakumezkoen podiumak egin ziren. Gizonezkoena Iñigo Uribe-Etxeberriak (1.49.47), Javier Arangurenek (1.55.09) eta Hodei Lujanbiok (1.57.02) osatu zuten eta emakumeena Maud Combarieuk (2.14.47), Uxue Gomezek (2.43.30) eta Olatz Etxeberriak (2.43.30. Bi lasterketetako garaile osoak (bi lasterketak egin zituztenak) hauek izan ziren: Hodei Lujanbio gizonezkoetan (2.49.43) eta Camille Bernardi emakumezkoetan (5.05.55).
Urteroko gisan, giro polita bizi izan zen Urdazubin, kirolari, laguntzaile eta ikusleen artean. Zorionak lasterketan ibili ziren guztiei, herritar zein hurbildutako guztiei eta laguntzen ibili ziren orori. Beraz, heldu den urtean giro berdina izanen dela pentsatuz, heldu den urtera arte UKL!