Agorrileko lehen asteburuan hitzordu politak izan dituzte Saran. Hilaren 5ean, larunbatean, erromeria izan zen egun guzia plazan, herriko elkarteek antolaturik. Arratsaldean denbora ederra izan zuten eta gazteek egin zituzten plazako errebotean pilota partidak eta dantzak. Afaltzerakoan, aldiz, euria egin zuen baina aski ongi pasatu zuten eta 230 bat lagun baziren paella ona jateko, izigarri umore onean.
Hilaren 6an, igandez, ilunabarrean erreboteko plazan merkatua egin dute herriko ekoizleekin, San Josepe eskolako burasoek antolaturik. Nahi zuenak, gauzak erosi eta hor berean jaten ahal zuen, Zikiroa ere erre zuten. Denbora ederra baina freskoa izan zuten, baina halere jendea ez zen izitu. Jende ainitz ibili zen, partikulazki zikirioan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.