Burdinaren Egunak hamabosgarren edizioa beteko du larunbatean Urdazubin

Ttipi-Ttapa 2023ko abu. 3a, 13:00
Deskargatu Info Ahotsak :
Español English Français Català Galego

Aurten ere burdina erosteko tratoa egiten saiatuko dira Bizkaiko benakeroak eta Urdazubiko abadea. Argazkia: Juan Mari Ondikol

Ohiko egitarauaz gain, ortzirale arratsean ‘A Calda’ soldadura tradizionalaren erakusketa izanen dute

XV. Burdinaren Eguna ospatuko dute Urdazubin abuztuaren 5ean, larunbatean. Hamabosgarren edizio honetan gaiarekin lotutako jarduera egitarau zabala en dute. Bertzeak bertze, burdin minerala idi-gurdietan garraiatzen zeneko ibilbidea antzeztuko dute. Izan ere, Bizkaiko meatzeetatik Urdazinolp onasteriora erameten zuten, eta abadeari ematen zitzaion, urrezko txanpon batzuen truke. Artisautza merkatua, zikiroa, forja erakusketa, Korrontxi eta Jean Louis Bergara emanaldia eta sorpresa ugari ere izanen dituzte. Gainera, aurten, ortziralean, abuztuaren 4an 20:00etatik 22:00etara “A Calda” soldadura tradizionalaren gaueko erakusketa izanen dute.

EGITARAUA

10:00etan Artisautza azoka herriko plazan. Horrez gain umeentzako puzgarriak eta itsasontziak eta joko ugari txikientzako. Goizean zehar forja erakusketa izanen da Brun anaien eskutik.    

11:30ean Burdin mineralaren segizioak burdina idi gurdi batean garraiatuko dute Axularretik plazaraino.                                                                          

12:00etan Mineralaren heltzea Monasteriora,Olagizonek aztertuko dute, eta abadeak Plentziako benakeroei ordainduko die.                                                                  

14:30ean Zikiro jate bazkari herrikoia. 

17:00etan Korrontxi ekitaldia frontoian.

18:30ean Musika eta dantza Jean Louis Bergararre akordeonistarekin.

Horrez gain, egunean zehar animazioak eta musika izanen dituzte, eta monasterioa, lezeak, errota….bisitatzeko aukera ere izanen dute Urdazubira hurbiltzen direnek.

Gizartea Xareta Urdazubi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun