Zehazki, eguerdiko hamabietan eginen dute herriko plazan. Parte hartu nahi dutenek abuztuaren 5a bitarteko epea izanen dute. Horretarako, zugarramurdikoelkartea@gmail.com helbide elektronikora idatzi edo 636 01 98 97 telefonora deitu behar dute eta 18 euro ordaindu.
Ile moztaileendako aparkaleku pribatua, komunak eta dutxak izanen dira. Bezperan eta egunean berean afaria eskainiko zaie plazan. Egunean berean parte hartzaileendako bazkaria izanen da, txapelketaren ondotik.
Mus txapelketa eta erremontea
Bestetako bertze berrikuntza bat mus txapelketa izanen da, abuztuaren 17an eginen dena, ortzegunarekin. Eta Andre Mari eguneko esku pilota txapelketako partiden ordez, erremonte partida jokatuko dute.