Iñaki Ariztia alkatearekin batera, Azkar taldeko Cristobal Altzuiet Martinek, Jose Luis Gomez Sierrak, Pedro Lanau Alonsok eta Javier Diaz Ramosek eta PPko Silvia Olaizola Bidartek hartu dute zinegotzi kargua. Alkateak TTIPI-TTAPAri kontatu dionez, «PPko bertze bat sartu eta legalizatu bitartean seiak ariko gara».
Azkar taldeko Iñaki Ariztia Urrizak larunbatean berrartu zuen alkate kargua, eta horrenbertzez, berak segitu du Urdazubiko aginte makilarekin. Sei boto hartu zituen Ariztiak, bere taldeko bostena eta PPko Silvia Olaizola Bidartena. Jose Carmelo Muñoz Rodrigo PPko bigarren zinegotziak dimisioa aurkeztu zuen, eta hortaz, zazpi hautetsitatik seik hasi dute agintaldia Urdazubin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun