Igandean eginen dute Iparraldeko eskolarteko txapelketako finala Itsasun

Ttipi-Ttapa 2023ko mai. 25a, 14:30
Kanporaketetan parte hartu zuten bertsolariak.

Igandean, maiatzaren 28an eginen dute 11:00etan Itsasuko Sanoki gelan Lapurdi, Baxenabarre eta Zuberoko Eskolarteko Bertsolari Gazteen Txapelketako finala. Bertan izanen dira kantuan Sarako Haira eta Unax Aizpurua Ibargarai. 

Bi saratarrekin batera, Oihan Perez Harispe, Haize Lekuona Blanco, Aiantze Lannes Butron eta Ibai Lekuona Darceles ariko dira kantuan, eta gai jartzen berriz Xalbat Altzugarai.

Igandeko finalean bertsolariek zortziko handian bina bertso osatu beharko dituzte ofizotan, zortziko txikian bi bertso kantatu beharko dituzte ofiziotan, puntu bat erantzun beharko dute, eta ondoren, bakarka gaia emanda gehienez bost puntuko bertso bat osatu beharko dute. 

Igandeko finalaren ondotik jakinen da Ipar Euskal Herriko zein bi bertsolarik kantatuko duten ekainaren 3an Iurretan eginen den Euskal Herriko finalean.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun