Maiatzaren 25ean, ortzegun honetan eginen dute Arkupeak elkarteko bazkideek Dantxarinean kantu zaharren eguna. Izena emateko epea dagoeneko itxia da eta 230 lagun inguru elkartuko dira.
Ortzegunean 12:00etan elkartuko dira, eta bazkaldu aitzinetik bertako komertzioak bisitatzeko aukera izanen dute. Ondotik, 13:00etan eginen dute otordua Otsondo jatetxean eta Joxe Angelek girotuko du.
Iazko kantuen liburua dutenei etxetik eramateko eskatu die elkarteak eta bertzeei bertan emanen diete.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.