Alazne Etxeberria aktoreak Bikote bila. Zenbat komeri! bakarrizketa eskainiko du maiatzaren 12an, ortziralean 19:00etan Urdazubiko kultur etxean. Urdazubiko Ugarana emakume elkarteak antolatu du emanaldia, udalaren laguntzaz, eta ondotik afaria izanen dute.
Sinopsia
Emakume euskaldun bat bikote bila… Senargaia, maitalea, laguna, edo txateatzen duen norbait!!. Izan ere, aitortu behar da: ligatzea zaila da, eta Euskadin, are gehiago!
Mota guztietako teknologiak eta estrategiak erabiliko ditu mutil-lagunaren bila joateko. Baina oraindik-orain ez du formula sekreturik aurkitu bikote egonkorra aurkitzeko. Ahalmenak galtzen ari da. Momentu bat… ez ditu inoiz izan-eta!