Larunbatean, maiatzaren 6an hasiko da Lapurdi, Baxenabarre eta Zuberoko Eskolarteko Bertsolari Gazteen Txapelketa. Bertan hamabi bertsolari ariko dira kantuan, bi kanporaketetan: Garikoitz Agirre zugarramurdiarra, Amaiur Aizpuru, Haira Aizpurua saratarra, Irati Aizpurua, Unax Aizpurua saratarra, Alaitz Aramendi, Xanti Lacroix, Aiantze Lanes, Uxue Lannes, Johane Larre, Haize Lekuona, Ibai Lekuona eta Oihan Perez.
- Lau ariketa osatu beharko dituzte kanporaketetan: lau oinak emanik zortziko txiki bat kantatu beharko dute lehenik, bukaera emanda zortziko handi bat gero, gai orokorrari bertso bat kantatu beharko diote gehienez ere 5 puntuko neurrian eta koplatan hiruko ofizioan bina kopla kantatu beharko dituzte.
- Kanporaketa bakoitzetik hiru bertsolari sailkatuko dira Itsasuko Sanoki gelan maiatzaren 28an jokatuko duten finalerako.