Alde batetik mendiko bizikletendako ibilaldia izanen da (30 kilometro luze eta 1.300 metro inguruko desnibela duena edo 20 kilometrokoa, 800 metroko desnibelarekin, aukeran). Txirrindularien abiatzea 08:00etan izanen da.
Oinezkoendako ibilaldiaren hasiera, aldiz, 08:30ean izanen da eta hauek ere 8 kilometroko edo 15 kilometroko ibilaldiak egiteko aukera izanen dute.
Giro ezin hobean iragaiten da goiza, belaunaldiak nahasiz eta lehiaketa baztertuz, bakoitza bere erritmoan. Alta, mementorik zaporetsuena gelditzen da: eguerdiko zintzur-bustitzea, baita axoarekin eginiko apairua ere, xapito pean. Gorputzaren nekeak merezi du gozamena, beraz ez huts egin igandeko hitzordura.