Elirale elkartearen eta Senpereko eskoletako haurren dantza ikuskizuna, berriz, apirilaren 4an eta 6an, hurrengo asteko astearte eta ortzegunean 19:30ean izanen da Larreko kultur gunean.
Sortze tailerra, Pazkoko arroltze zonbaiten egiteko, apirilaren 8an, Errepirako parkean larunbatean egun guzian, eta arroltze xerkatzea haurrentzat 11:00etan. Egun berean, Pop Pop baporezko ontzi itsasketa Errepirako parkean egun guzian.
Arnaud Demancheren umorezko ikusgarria, apirilaren 14an, ortziralean 20:30ean Larreko kultur gunean.
Apirilaren 15an, larunbatarekin, bi partetan gaualdia. 20:00etan Zarena Zarelako dantza taldeak So Egin emanaldi berria emanen du. Herritar anitz ari dira talde honetan. Andoni Oilokiegik segituko du bere kontzertuarekin 21:00etan, Ihauterietan sekulako emanaldia aurkeztu zuen, pilota plazan.