Denek opariak izan zituzte eta Lur Berri gelan izan zituzten talo eta edateko ausarki. Sara Korrika elkarteak denak eskertu ditu, lanean aritu diren bere kideak baita borondateko oneko guziak ere.
Kilometro bertikala bezperan
Martxoaren 25ean, larunbatean, lehen aldiz egin da Kilometro Bertikala, 4,5 kilometro luze eta 800 metroko desnibel positiboa zuena, izigarri bortitza. Gizonetan, hemen ere Robert Loic gailendu da eta bigarren Mikel Beunza Iraizoz izan da. Emakumeetan Maria Ordoñez izan zen bizkorrena eta Rebeca Mariño bigarren.
Sarako Kilometro Bertikala Elgar Xut izeneko erronkarako ere puntuagarria izan da. Erronka apirilaren 29an Azkainen eta maiatzaren 8an Behorlegin jokatu duten probek osatuko dute.