Atzo egin zuten abestiaren aurkezpena Baionan Su Ta Gar taldeko kideak bertan zirela. Urratsak zubi du izena kantak, aurtengo leloak bezala, eta taldekideek nabarmendu zutenez «ohorea» izan da abestia egiteko aukera izatea. Beren estilotik gehiegi urrundu gabe, «mundu guztiarentzat egokia den kantu bat» sortu nahi izan dutela azaldu zuten.
Oraindik ez dute Ipar Euskal Herriko ikastolen aldeko bestaren egitaraua aurkeztu, baina, atzo aurreratu zuten Su Ta Gar taldearen kontzertua izanen dela bertze hainbat ekintzaren artean.