Larunbatean 80, 42 eta 10 kilometroko lasterketak
- Larunbatean, 05:00etan abiatuko da bigarren aldikoz antolatu duten Tontorrez tontor ultra trail lasterketa. 80 kilometroko proba da, 5.600 metroko desnibelarekin.
- Geroxeago, 09:00etan, Gotorlekuen itzulia hasiko da, 42 kilometroko luzera, 2.800 metroko desnibela eta Larhungo gotorlekuen gaindi pasako den lasterketa.
- Berantago, 11:00etan, Ibar Run Trail lasterketak hartuko du lekukoa, 10 kilometro eta 450 metroko desnibel positiboarekin.
Igandean Senpereko Trail
Igande goizean, 09:00etan abiatuko da Senpereko Trail ezagunaren hamaikagarren edizioa. 21 kilometro eta 1.100 metroko desnibela ditu mendi lasterkari ugari biltzen dituen probak. Oinezkoak ere ez dira ahantziak, eta bi ibilbide proposatuak dira lagunartean edo familian gozatzeko: 16 edo 9 kilometrokoak.
Senpere Ttiki Trail
Ez da igandeko hitzordu bakarra izanen. Lehen aldikoz Senpereko Ttiki Trail lasterketa eginen dute, igandean 09:15ean abiatuta. 2013 eta 2016 urteen artean sortutakoek 1,1 kilometroko ibilbidea izanen dute eta 2009 eta 2012 urteen artean sortutakoek 1,6 kilometrokoa. Izen emateak urririk izanen dira egunean berean eta helmugara iristean opari ttikia eta krakada izanen da denentzat.