Marie Perbost sopranoak eta Florent Albrecht pianistak Bellini ou la voix de la nuit (Bellini edo gaueko ahotsa) kontzertua emanen dute otsailaren 5ean, igandean 17:00etan Saint Pierre elizan. Senpereko Kultura eta Ondarea elkarteak antolatutako emanaldira sartzea 20 euro kostako da (18 urtez beheitikoek bortz euro).
Vincenzo Bellini musika konposatzailea 34 urte bertzerik ez zituela hil zen, baina ondare aberatsa utzi zuen. Bere lanetako batzuk plazaratuko dituzte Perbostek eta Albrechtek.