'Printze ttikia' antzezlan musikala euskaraz emanen dute azaroaren 26an Senperen

Ttipi-Ttapa 2022ko aza. 24a, 12:00
'Printze tikia' antzezlan musikala euskaraz aditzeko aukera izanen da larunbatean Senperen.

Larunbatean 17:30ean hasiko da Tximi-Txama abesbatzaren euskarazko emanadia eta 20:00etan frantsesez emanen dutena

St Exuperyk haurrendako idatzi zuen Printze Ttikia. Tximi-Txama abesbatzak helduentzat idatzi du komedia musikal hori. Musika osoki idatzi eta kantuen hitzak liburutik hartu dituzte. Euskaraz emanen dute ikuskizuna Senpereko Larrekon azaroaren 26an, larunbatean 17:30ean eta frantsesez larunbatean 20:00etan.

Pertsonai nagusiak bakarka kantuz ari dira. Abesbatzak 2 edo 3 ahotsetan moldatutako kantuak kantatzen ditu. Tximi-Txama esperientzia luze batez aberastua da eszena nazional eta telebista platoen artean. Horrez gain, profesional batzuez inguratu da, antzezlan musikal hunkigarri eta magiko honen presentatzeko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun