Sarako PostAtxik kolektiboak petizio bat zabaldu du eta urriaren bukaera arte izenpetzen ahal da, Sarako herriko etxean eta komertzioetan. Posible da orrialde batzuk hartu eta gure auzokoan ikustera joatea ere, izenpedurak biltzeko. Horretarako, orriak hartzen ahal dira herriko etxean edo Postatxik kolektiboari idatziz: postatxik@gmail.com.
Kolektiboaren galderak
PostAtxik kolektiboak galdegiten du posta bulegoaren irekiera goizero, larunbata barne, 09:00etatik 12:00etarat (oren erdi gehiago). Gisa berean, astean bederen hiru arratsaldez idekirik izatea eskatzen du, astelehen, asteazken eta ostiraletan, 13:30etik 16:00etarat, orotarat 25 oren eta erdi astean. Gutun bilketa 12:00etan egitea eta ez, gaur egun bezala, 10:00etan. Diru-maxina hornitzea aste osoan eta enpresei eta elkarteei eskudiru sartzea erraztea ere eskatu dute, baita gutunak egunero auzo guztietarat banatzea ere.