2020ko udal hauteskundeetan Dominique Idiart egungo auzapezaren zerrendan aurkeztu ziren joan den ortzegunera arte Senpereko gehiengoko hautetsiak ziren bortz zinegotziak.
Herri kontseilariek gutunean deitoratu dutenez, herriko kontseiluan hautetsi guziek ez dute berdin proiektuen gogoetan eta eraikuntzan parte hartzen ahal. Haien erranetan, zirkulu hertsian hartzen dira erabakiak eta horrek zeharo gaiztotu du lan giroa. Hainbat egitasmo ez direlako bete eta hauteskunde programan aurreikusitako oinarrizko azpiegituren obratzea urtetan gibelatuko delako kexu azaldu dira.
Auzapezak egoera bideratzeko neurriak hartuak zirela azaldu du. Egitasmoak aitzinera eramatea zaila dela erakunde sisteman eta horrek etsipena sor dezakeela aitortu du.