Gogoko ditu Kalakan taldeak Sarako lezeak eta hainbat emanaldi eskaini izan ditu. Aurtengo udazken hasiera honetan, buruila eta urria lotzen dituen asteburu honetan, hiru kontzertu eskainiko ditu bertze hainbertze musika talde, bakarlari eta abesbatzekin.
Hasteko, irailaren 30ean, ortziralean 21:00etan Trasga folk mirandes taldearekin joko du. Hain zuzen, Portugaleko Miranda eskualdeko bertako hizkuntzan, mirandesan kantatzen duen talde bakarra da Trasga.
Urriaren 1ean, larunbatean, Mongoliako Buriatiako Alexander Arkhincheev musikaria izanen dute lagun, ordu berean. Bukatzeko, urriaren 2an, igandean, Nayade abesbatzarekin batera joko dute. Hau ere ordu berean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.