Pilota protagonista izan da aurten ere Sarako bestetan

Ttipi-Ttapa 2022ko ira. 19a, 19:00

Bukatu dira aro eder eta beroarekin Sarako bestak. Manifestazione guziak aski ongi pasatu dira eta jende anitz izan da. Igandeko eguna, gazteriak antolatua beren auto mozorrotuak, desfile ederra… Pilota partidetan errebotea ongi betea zen, ardi zakur lehiateta ere aski ederra izan da. Aperitifa denboran eta dantzaldietan gazte horiek ongi jostatu dute, partikulazki asteartearekin. Ez ditugu haurrak ahantzi behar, igerilekuko aparkamendua, dena jokoz betea zuten eta bukatzeko, azkeneko suziriak ikusgarriak ziren, usaian baino anitz ederragoak.

Biba gazteria, horrelako bestak antolatzeagatik, ahantzi gabe Zazpiak Bat dantzariak, astelehenakin ongi eman baitituzte dantzak.

Bestetako pilota

Kirolak ere lekua izan du bestetan eta lehen eguneko Sara Korrika lasterketan ehun kirolari baziren. Pilotari dagokione, Open Joko garbiko finala jokatu zuten errebotean plazaz: Frederic Karrikaburu, Mathieu Arieta eta Denis Petrisans irabazle, 40-38 irabazi baitzieten Robert Frantxistegi , Simon Etxebest eta Peio Larramendiren kontra

Luzera, Igandean Luzean irabazle 8-7 Baigorriren kontra.

Astelehenean Uztaritze irabazle, 11-1 saratarren kontra.

Asteartean Azparne irabazle, 10-04 Senperen kontra.

Trinketean Finala: Jauregiberri -Ducassou irabazle, 40-31, Etxeberria - Iphar-en kontra.

Esku pilotan, plaza laxoko finalean, Thierry Harismendi eta Xabi Bereterbide irabaze, 30-24, Florian Mendiburu eta Julien Arbeletxeren kontra.

Kirola Xareta Sara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun