Igandean lehiaketa xarmanta prestatu zuten Urdazubin, Burgete arrazako zaldi eta behorren lehiaketako hamabigarren edizioa. Lehiaketa 09:00etan hasi eta 14:30ean finitu zen. Aurten, berrikuntza gisa, Urdazubiko gazteriak txosna jarri zuen. Lehiaketa hamabi kategoriatan banatua zegoen eta Legasako Indart-Ariztegi ganadutegiak irabazi zuen sari nagusia hamabi kategorietatik hamarretan. Kategoria hauez gain, irabazle orokor bat ere izan zen, hau da, etorritako zaldi guztien garaile bat izendatu zuten. Irabazle orokorra Pedrá zaldi ederra izan zen, hau ere Legasako Indart-Ariztegi ganadutegikoa.
Legasako ganadutegiak irabazi ez zituen bi sariak honako hauek Izan ziren: Arribe-Atalluko Ricardo Mikeoren buru batek, 2018 eta 2019an sortutako zaldien lehen saria hartu zuen eta Zuhatzuko Legarra Zubiria-Rekalde Larunbe ganadutegiko buru batek 2021ean sortutako zaldiena.
2019ko edizioak bezala, herritar eta inguruko jende aunitz ekarri zuen Urdazubira ekitaldi honek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.