Baztan-Bidasoa Turismo Elkarteak, zuzeneko ipuin kontalari eta musikarekin antolatutako ‘Oihanean sentitu’ bisita gidatuak antolatu ditu abuztuan eta irailean, Ameli ipuin kontalariaren eskutik. Dagoeneko zortzi bisita egin dituzte, eta larunbatean eginen dute azken aitzinekoa, Zugarramurdin.
Bisitak 700 metroko ibilbidea izanen du, eta frontoi ondoan dagoen Azketa jatetxetik abiatuko dira, bertatik Uraundi errekan barrena ibilbidea egiteko.
Bisita euskaraz (15:00etan) eta erdaraz (17:00etan) eginen da eta gutxienez hamar lagun eta gehienez 25 hartuko dituzte talde bakoitzean. Izena emateko, 948 59 23 23 telefono zenbakira deitu beharko da astelehenetik ortzegunera 09:00etatik 14:00etara, eta ortziralean baita arratsaldean ere. Bisitan parte hartzeko helduek zortzi euro ordaindu beharko dituzte eta haurrek lau.