Sarako posta bulegoa aunitzetan hetsia dagoela, kutxazain automatikoa aldizka hutsik dagoela eta bulegoaren ordutegia murrizten ari direla salatu du, bertzeak bertze, Har Hitza elkarteak. Horregatik, «kalitatezko posta zerbitzu publikoa nola mantendu elkarrekin pentsatzeko» bilkura publikoa deitu dute. Elkarteak, herriko etxea, enpresak, laborariak eta orokorrean herritar guziak animatu dituzte parte hartzera eta gaia eztabaidatzera.
Hurrengo astelehenean izanen da bilkura, agorrilaren 22an, 19:00etan Lur berri gelan.