Muga, kontrabandoa eta Bentak hitzaldia emanen du Jakintza elkarteko Guy Lalannek Sarako lezeetan ekainaren 24an, ortziralean, 19:15ean. Urririk eta denentzat idekia izanen da, baina leku kopuru mugatua du 85 pertsonentzat. Aitzinetik izena eman behar da.
Denok ezagutzen ditugu gaur egungo bentak, batzuetan jatetxe edo benetako supermerkatu bihurtuak. Iragan den garai hori ez dago hain urrun eta gaur egun ere entzun daitezke gure inguruan gaueko lanari buruzko lekukotasunak eta anekdotak, batez ere Xareta mugaz gaindiko lurraldean. Guy Lalanne ziburutarra bere ezagutzak eta gertaldiak partekatzera etorriko da, aduana eta kontrabandisten jokoari buruz, baita ere mugaren rolaz eta benten bilakaeraz.
Larunbatean elkartasun eguna lezeetan
Ekainaren 25a, larunbata, Petits Princes elkarteari eskainitako elkartasun eguna izanen dute Sarako lezeetan. Sarrera bakoitzeko 0,5 euro emanen zaizkio elkarteari.