Zerriak eta bertako animaliak ikusteko ibilbidea dago bertan; «panel informatiboetan zerrien inguruko informazioa eta haien bizimodua azaltzen dute eta familiei eta haurrei aunitz gustatzen zaie». Uda aldera, «bisita aunitz izaten ditu, oinez erreza baita egiteko».
Euskal zerria zuri-beltza da, buru eta ipurdi beltzarekin eta belarri handiekin, «behin ikusita, erraza da ezagutzeko». Zerriak haragitako ditu, «urte batez izaten ditugu hemen guttienez, 140 kilo lortu arte». Haragiaren salmenta zuzena egiten dute Senpereko Hurbil dendan; «zerrien produktuez gain lekuko barazkiak, gasna eta bertze hainbat produktu ditugu».