Harremanak jubilotekaren bidez, Urdazubi eta Zugarramurdiko adinetako zenbaitzuk esperientzia berezi batean parte hartu zuten maiatzaren 19an. Joseba Urretabizkaia argazkilariak eta Fernando Hualde etnografoak daukaten proiektuan laguntzen aritu ziren.
Goiz osoan argazki saioak egiten aritu ziren herriko hainbat tokitan, baita Alkerdi auzoan ere. Helburua, garai bateko irudiak hartzea zen, eta horretarako lehengo bizimodua eta jantziak erakusten saiatu ziren. Akabaila ona emateko, Karretero jatetxean bazkaldu zuten.