16 gaztek parte hartu zuten maiatzaren 15ean Itsasuko Indianoenia gelan jokatu ziren txapelketako bi finalerdietan, eta bertan lortu zuen finalerako txartela Aizpuruak beste bost bertsolarirekin batera. Aizpurua, Iparraldeko eta Euskal Herriko Eskolarteko Txapelketetako azken txapelduna da.
Haira Aizpurua Ibargarai saratarrarekin batera, beste bertsolari hauek kantatuko dute finalean: Haize Lekuona Blanco, Irantzu Idoate Funosas, Aetz Etxart Sarasola, Ibai Lekuona Darceles eta Aiantze Lannes Butron. Finala larunbatean izanen da 11:00etan Itsasuko Sanoki gelan.