A Mait’s Arro’Cha elkarteak Sourire Abidji elkartea laguntzeko elkartasun kantaldia antolatu du ekainaren 4an, larunbatean 20:30ean, Larreko antzokian.. Sekulako programa aurkeztua da, Senpereko Gezi Taldea, Marie eta Camilla, Magali Zubillaga Aldudarra, baita Bost Axola urruñar emazte kantariak ere.
Abidjan hiriko (Boli Kostako hiri nagusia) eskola bateri laguntza materiala ekarri nahi dute, parte hartuz urtero egiten den Roses des Sables Trofeoan (emakumeek binaka egiten duten 6.000 kilometroko motor proba Ipar Afrikako desertuan). Publikoari parte hartze librea eskainia zaio, ez huts egin.