Lokarri abesbatzak kontzertua emanen du maiatzaren 28an Senperen

Donibane Lohizuneko Lokarri abesbatzak Senperen kantatuko du larunbatean.

Donibane Lohizuneko Lokarri abesbatzak kontzertua emanen du maiatzaren 28an, larunbatean 20:30ean Senpereko Larreko kulturgunean. Lions International taldeak antolatu du emanaldia eta erreserbak Euskal Herriko Turismo Bulegoan egin daitezke edo txartelak Larrekon erosi. Sartzea 12 euro kostako da, urririk 14 urtez beheitikoentzat.

Donibane Lohizunetik eta inguruetatik datozen hamazazpi kantariak lotzen dituen lokarria da Lokarri abesbatza. Bere errepertorioan, aniztasunagatik originala, atzoko eta gaurko folk-kantak, taldearen baitan antolatuak eta instrumentuz lagunduak, lau ahotseko abesbatza-kantu tradizionalarekin bat egiten dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun