Bigarren mundu gerlako beteranoak ohoratu dituzte Saran

Ganex 2022ko mai. 12a, 15:00
Sarako hilerrian loreak pausatu zituzten Munduko bigarren gerlako beteranoen egunean.

Meza, lore eskaintza eta aperitifaz gain, ireki berria den Kafia ostatuan bazkaldu zuten maiatzaren 8an

Maiatzaren 8a, beteranoen eguna, Saran ere ohoratua izan da. Igandean 10:30ean meza izan zuten eta loreak pausatu zituzten bi hilarrietan. Denera hamabortz bat beterano baziren. Ondotik aperitifa eskaini zuen Herriko etxeak. Denak oraingo ostatu berrirat joan ziren bazkaltzera. Hor, Maianak eta Mikelek, Kafia ostatuko nagusiek ongi errezibitu zituzten.

Kafia ostatuko Maiana eta Mikel.

Bezperan, larunbatarekin zabaldua zuten beren lekua. Bistan da horrelako mahai ederra izatean kontent ziren. Ez beteranoak bakarrik, asteburu guzian izan dute jendea, eta bertze egunetan ere ongi ari dira, partikulazki goizeko gosari ttikiekin. Astelehenaz aparte, egunero irekia da eguerditan eta ortzirale eta larunbat arratsetan ere.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun