Bisita egiteko antolatua daude lezeak; «lokatzez bete gabe, haur ttikiekin edo adinekoekin sartzeko modukoa». Lezeak nola sortu ziren ikusten da bisitan, «uraren ibilbidea, errekak gindako zokoak, estalaktitak eta estalagmitak bezalako formazioak…». Bisitak gidariarekin egin behar dira, «lekua ez hondatzeko. Gidariek lezeak zaintzen dituzte eta 40 minutuko bisita goxo bat egiten dute azalpenak ematen».
Bisitak aldez aurretik hartzea gomendagarria da, zein hizkuntzatan izanen den eta taldean zenbat lagun izanen diren zehazteko. Gehienez ere 20 pertsonako taldeak egiten dituzte, «baina bisitari aunitz baditugu talde bat baino gehiago sartzen ditugu 20 minutuko tartearekin». Neguan «bertako jendea» joaten da batez ere, baina uda aldera «leku guzietatik hasiko dira; Katalunia, Madril, Andaluzia, Valentzia, Andaluzia. Aste Santu ondoko astean, adibidez, frantses aunitz etortzen dira».