Saran eta Senperen, joan den apirilaren 10ean egin zen lehen itzulian baino parte hartze baxuagoa izan zen bigarren itzulian: Saran 4,22 puntu baxuagoa eta Senperen 3,44 baxuagoa. Baina boz zuri eta baliogabeen kopuruak goiti egin zuen bi herrietan: 141 boz zuri eta 34 baliogabe gehiago Saran eta 310 zuri eta 121 baliogabe gehiago Senperen.
Gainerakoan, Saran bozen % 65,55 eskuratu zituen Macronek eta %34,45 Le Penek. Senperen, berriz, boz emaileen % 60,13k Macronen alde egin zuen eta % 39,87ak eskuin muturraren alde.