Saran eta Senperen ere gaur egungo Frantziako presidenteak lortu du babesik handiena: Saran bozen % 20,97 lortu du Errepublika Martxan alderdiko hautagaiak eta % 20,01koa Senperen.
Saran, Jean Lasalle Biarnoko diputatua izan da bigarren indarra bozen % 13,60 eskuratuta, eskuin muturreko Marine Le Pen (Batasun Nazionala) hirugarren (% 11,46) eta Jean-Luc Melenchon (Frantzia Intsumisoa) ezkertiarra laugarren (% 9,94).
Senperen, ordea, Le Pen izan da bigarren hautagairik bozkatuena, bozen % 15,21 eskuratu baitu. Melenchon ezkertiarra hirugarren izan da (% 12,85) eta Lassalle laugarren (% 11,39).
Bigarren itzulia apirilaren 24an izanen dute eta duela bortz urte bezala, Emmanuel Macronen eta Marine Le Penen arteko lehia izanen da.