Senpereko Oihanaren zati bat haurren Herri Kontseiluaren esku ezarri da

Ttipi-Ttapa 2022ko api. 10a, 13:00
Senpereko Haurren Kontseiluko martxoaren 22ko bilkura.

Senpereko haurren Herri Kontseiluaren bilkura iragan da martxoaren 22an. Oihan Pedagogikoak izan da gairik garrantzitsuena eta proiektua aztertu ondotik, sekulako interesa sortu du hautetsi gazteen artean. Senpereko oihanaren zati bat (3 hektarea Ihiztarien ttattolatik hurbil), gazte horien esku ezarria da, hauek kudeatzekotan beraien asmoen arabera.

Norabide batzuk aztertu dituzte, kontutan hartuz klima aldaketa, ea zer zuhaitz landa daitekeen, ikusi ere suhiltzaileekin sutik babesteko soluzioak, oinezkoen eta vtt delakoaren ibilbide bat ere aipagai izan da, jakinik segidatzat  erreleboa utziko dutela ondoko gazte batzueri. 

Bertzalde, etxez-etxe ibili beharrak ziren 80 urtez goitikoen bisitatzera eta nola Covid-19arengatik ez dituzte denak ikusi, krakada bat eskainia izanen zaie apirilaren 20an, 15:00etan Xabatene gelan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun