Zugarramurdiko Aho Zakil Konekxion taldeak bere lehen diskoa aurkeztuko du

Aho Zakil Konekxion Zugarramurdiko punk taldeak 'Kisulabe' bere lehen diskoa aurkeztuko du ortziralean Saran.

Martxoaren 25ean, ortziralean 21:00etan kontzertua emanen du Sarako Keinu gelan, Kamuts eta Goroldio taldeekin batera

2019 urtean sortu zen Zugarramurdin Aho Zakil Konekxion punk taldea eta Kisulabe beraien lehenbiziko diskoa atera dute. Uztaritzeko Tribal Studioan grabatu dute eta martxoaren 25ean, ortziralean 21:00etan Sarako Keinu gelan aurkeztuko dute, Kamuts eta Goroldio taldeekin batera.

Aho Zakil Konekxion

2019an sortu zenean hirukotea zen Aho Zakil Konekxion: Zugarramurdiko Olivier Harotzarene (aita) gitarrarekin, Senpereko Arno Harotzarene (semea) bateriarekin eta Mattin Oronoz saratarraren ahotsa. Taldea sortu zen Sarako Gaztetxearen 30 urteentzat joko zutela apustua eginez. Horren ondotik, Mikel Inda azkaindarra sartu zen taldean, baterian eta Arno Harotzarenek baxua hartu zuen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun