1.783 urteko familia edo etxe-hilobiak azaleratu dituzte otsailaren 12an egindako haitadaren ondotik
Haitada polit bat egin zuten Zugarramurdiko elizargietetan otsailaren 12an. Berez toki eder bat zena (arboltxo, lore eta belar garbia), sasitu eta abandonatua gelditua zen, eta hortan aritu ziren karraskan: pareta eta eskaileretako huntza garbitu, sasiak kendu, eta loreak kimatu. Horretaz gain, aitzineko haitadan egin gabe gelditu zena ere egin zuten: ezkila-dorrean pilatua zen uso-ongarria kendu zen.
Aldi berean, herri ondarearen parte bat ere errekuperatu zuten: elizargietetan dauden harrizko hilobiak lur azpian geldituak ziren, eta ia haien seinalerik ez zen gelditzen. Bada, horietako lau agerian utzi zituzten: Malasta, Goiburua, Narkonea eta Katalenekoak. Denak 1783. urtekoak dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.