Urdazubin eta Zugarramurdin abiadura handiko Interneta kontratatzeko aukera eskaintzen du Adamok

IƱaki Ariztia eta Evaristo Mentaberri Urdazubi eta Zugarramurdiko alkateak Adamo eta Onena enpresetako ordezkariekin.

Zugarramurdin eta Urdazubin abiadura handiko Interneta emateko xedearekin, Adamok bi herri hauetako herritarrei eta enpresei aukera ireki die interesatuta egonez gero izena emateko eta, epe labur batean, izena ematen duten etxe eta enpresetara konexioa egiteko.

Bi herrietako 205 etxebizitzetan instalatzeko aukera

Urdazubiko 170 etxebizitzetara eta Zugarramurdiko 35 bizilekutara abiadura handiko Interneta eramateko aukera zabaldu berri du operadore honek. Dagoeneko ingeniaritza-lanak hasiak dituzte, eta Zugarramurdi eta Urdazubiko etxebizitzetako lehen aktibazioak gehienez ere hilabete bateko epean egitea pentsatua dute.

Bi udalen laguntzarekin

Hedapen-plana David Llanok, Adamok Nafarroan duen ordezkariak, aurkeztu zuen berriki Iñaki Ariztia eta Evaristo Mentaberri, bi herrietako alkateen aitzinean. Lan-bilera horretara Manuel Ederra ere joan zen, Onena enpresaren komunikazio arduraduna. Onena Adamorekin lankidetzan ari da Urdazubin eta Zugarramurdin zuntz-optikoaren azpiegitura hedatzen.

Izena emateko gonbita

Adamo enpresak prest du sistema honen bitartez izena eman nahi duten guztiendako. Sistema horren bidez, 30 auzokidek hemen segidan markatuta dauden lotura horien bitartez hala eskatuz gero, Adamok haien herrian hedapen-ikerketa egiteko konpromisoa hartzen du. Herri bakoitzak bere taldea du.

Zugarramurdirako: https://adamo.es/es/fiberhood/fibra-zugarramurdi

Urdazubirako: https://adamo.es/es/fiberhood/fibra-urdax

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun