17:00etan hasita, Larreko kultur aretoan Artxeroak, Gezi Taldea, Maider Cigarroa, Gorka Robles, Gerard Luc, Michel Claudio, Yannick Tellechea aditzeko aukera izanen da
Senpereko Herriko etxeak zabaldu du azaroa eta abenduko programazioa, aitortzekoa da kultur eskaintza aunitz iragarriak direla. Urrunago joan gabe, hilaren 11n, ortzegunean 17:00etan kantaldia antolatu du Segi Aintzina elkarteak Larrekon. Artxeroak, Gezi Taldea, Maider Cigarroa, Gorka Robles, Gerard Luc, Michel Claudio eta Yannick Tellechea aditzeko aukera izanen da.
Hanturazko eritasun erreumatikoek (artritis erreumatoidea, espondiloartropatia…) 500.000 pertsona ingururi eragiten diete Frantzian. Léna eta Marie-Ana neska gazteak egunero borrokatzen dira beren eritasunarekin zerikusia duten sufrimenduen kontra. Segi Aintzina elkarteak kantaldi hau antolatzea erabaki zuen, eritasun horien berri emateko eta ikerketa eta laguntza medikorako dirua biltzeko. Ostatua eta jatekoa ere izanen da.