Eguerdian, 12:00etatik goiti aperitifa emanen dute eta ordu horretan hasiko dira pala txapelketako finalak plazan. Eguerdian hasi eta 18:00etan jokatuko dute hondar finala; guztira sei partida.
Gazteek lehen aldizkoz antolatu dute aurten pala torneoa, eta erantzun ona izan du 32 taldek parte hartu baitute. Finalak bestetan egiteko asmoa zuten, baina ordurako ezin izan zituzten partida guztiak finitu eta hala, asteburu honetan eginen dute.
Afaria eta animazioa
18:00etan kiroldegian aperitifa izanen da eta 21:00etan afaria hasiko da. Txartelak 22 eurotan daude eta atzokoa izan zen txartelak erreserbatzeko hondar eguna. Afaria girotzeaz Elektrozarata txaranga arduratuko da.