Martxan da Dantxarineko Pintxoaren Hamabostaldia

Ttipi-Ttapa 2021ko urr. 20a, 13:00

Dantxarineko Pintxoaren Hamabostaldiaren edizio berria hasi zen urriaren 15ean eta urriaren 31ra arte hainbat pintxo dastatzeko aukera izanen dute bezeroek.

Bertze alditan bezala, hainbat bentek parte hartuko dute; Agusek, Axularrek (Drunken Duck), Biokek (Lapitxuri Jatetxea eta Snack), Landibarrek, Pacok, Pantxok eta Peiok. Aurten, gainera, sukaldariek bi produktu erabili behar dituzte beren pintxoetan: onddoak eta urdaiazpikoa

Hamabostaldi honetan parte hartuko duten pintxoak Urdax-Dantxarinea Facebook orrira igotzen ari dira eta bakoitzari gehien gustatu zaion pintxoari botoa emateko aukera izanen da. Bozkatu dutenen artean zozketa bat izanen da eta benta irabazlean bi pertsonentzako bazkaria irabazteko aukera izanen dute. Honez gain, pintxoak dastatu, baloratu eta euren datuak utzita, bertze zozketa batean sartuko dira bezeroak; Mutrikuko Haitzalde landetxean asteburu bat.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun