'Mayi oreina bilakatu neska' pastoralean parte hartzeko bilera ortziralean Zugarramurdin

Urriaren 15ean, 19:00etan, Zugarramurdiko museoan elkartuko dira eta hainbat lan-talde osatuko dituzte pastorala egiteko helburuarekin.

Pastoral bat egiteko proposamen ailegatu da Xaretara, Gerardo Mungiak (Etxalarko Karmen pastoralaren idazleak) idatzitako Mayi oreina bilakatu neska antzezlana, hain zuzen ere. Proposamenari buruzko xehetasunak emateko eta pastorala egiteko jende nahiko elkartuko den ikusteko, bilera eginen dute ortziralean 19:00etan Zugarramurdiko museoan.

Pastoralean zuzenean arituko direnez gain, bertzelako lanak egiteko jendea ere beharko dute, zazpi lan-talde osatuz: musika, dantza, kanta, soinekoak, finantzaketa, publizitatea eta eguneko antolakuntza. Beraz, proiektuan parte hartzera animatzen diren guztiak hitzordua izanen dute urriaren 15ean Zugarramurdin.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun